Inaugurimi i Bazës ajrore të NATOS në Kuçovë është përmbyllur me një show në ajër të zhvilluar nga 6 avionë të aleancës por edhe helikopterët ‘Black Hawk’ dhe dronët ‘Bayraktar’ që zotërojnë Forcat tona të Armatosura.
Avionët kanë dhënë spektakël ajror për të pranishmit në bazës e sapo hapur ajrore të NATO-s, e cila u konsiderua një pikë strategjike për Shqipërinë dhe rajonin, që do të ofrojë më shumë siguri dhe stabilitet.
Kjo bazë, falë investimeve të realizuara, me infrastrukturë moderne për avionët luftarakë të Aleancës, është e një rëndësie të veçantë, ku nga ekspertët e fushës së aviacionit është konsideruar si ‘syri” i NATO-s në Evropë. Për këtë bazë nga NATO janë të investuara afërsisht 50 milionë euro dhe më shumë se 5 milionë euro janë të investuara nga qeveria shqiptare.
