Shkup, 4 mars – I pari i Diplomacisë së vendit, Bujar Osmani, njëherazi edhe kandidat për president i BDI-së, ka nisur sonte podcast-in e tij të parë, të titulluar INFORMALE.
Në INFORMALE, ministri Osmani me të ftuarin e tij, analistin Xhelal Neziri kanë folur për aktualitetet e fundit nga vendi dhe bota.
Osmani mes tjerash në podcast ka zbuluar se si kishte marr informacion se ishte organizuar atentat ndaj konvojit të tij, derisa ishte kryesues i OSBE-së.
Nuk ka vetëdije të mjaftueshme në rajon. Polemizohet me Amerikën. E thash edhe diku tjetër, partneriteti me Amerikën është “sine qua non” për një stabilitet të qëndrueshëm të rajonit. Nuk ka çështje më të rëndësishme se të ruajmë partneritetin me SHBA.
Ka deklaruar kështu kryediplomati Bujar Osmani në podcastin e tij “INFORMALE”, ku të ftuar kishte analistin Xhelal Neziri.
“Nuk ka edhe për maqedonasit si komb, edhe për shqiptarët çështje më të rëndësishme se sa të ruani partneritetet me SHBA. E tani është kjo periudhë kur duhet ta ruajmë atë qartësi, atë partneritet. Të tentojmë t’i mbyllim disa pika ku mund ata t’i keqpërdorin dhe ta ndihmojmë Ukrainën ta kryejë punën e vetë, se ndryshe nuk ka të ndalur qoftë me logjikë politike, qoftë me logjikë ushtarake kjo vazhdimësi e konfliktit”, ka thënë tutje ministri Osmani.
“Intervista e Putinit me Tucker Carlson, ai e nis intervistën prej 812-tës, kur vjen një rus nga Skandinavia dhe formohet në Kiev formohet, pasi që ata pretendojnë se Rusia është formuar ne Kiev. Por, e gjithë biseda e tij është në kontekst historik. Ata jetojnë për tu kthyer në të kaluarën, në periudhën imperialiste ruse. Prandaj unë mendojë që kjo nuk është më lojë, dhe Ballkani Perëndimor thjesht është i përkryer për ta keqpërdorur si platformë, për ta minuar Evropën.”
Është shprehur kështu shefi i Diplomacisë së vendit, Bujar Osmani në podcastin e tij INFORMALE.
Sipas tij, Rusia edhe po të mos kishte, do ta kishte krijuar një mundësi të tillë që të ketë një platformë, si Dodikun për shembull, që me sustë mund ta urdhëron nesër të krijon situatë të re.
