Shkup, 26 maj – Këshilli gjyqësor sot zgjodhi Ivan Xholevin, kryetar të Gjykatës Themelore Penale të Shkupit si gjyqtar të Gjykatës së Apelit në Shkup. Përveç Xholevit, gjykatës të rinj që do të veprojnë në fushën penale të Apelit janë edhe gjyqtarët Marija Kletniçka Markovska dhe Olja Ristova nga Gjykata Penale dhe Betim Jahja nga Gjykata Themelore në Tetovë.
Në seancën e sotme të 523-të, Këshilli gjyqësor zgjodhi edhe kryetarin e ri të Gjykatës së Lartë, gjyqtarin Afrim Fidani.
Ndërkohë, gjyqtari Haxhi Tariq u zgjodh kryetar i Gjykatës Themelore të Krushevës.
Në vazhdimin e seancës, Këshilli zgjedh edhe gjashtë gjykatës të rinj nga fusha civile për Gjykatën e Apelit të Shkupit.
