Shkup, 4 nëntor – Departamenti për Asgjësimin e Krimit të Organizuar dhe Serioz-Sektori për Hetime Kriminalsitike-Njësiti për Korrupsion, deri te PTHP për Ndjekjen e Krimit të Organiuar dhe Korrupsionit, ka parashtruar kallëzim penal kundër D.G. (58), E.A. (58) dhe O.P. (44), të gjithë nga Shkupi, për shkak të ektistimit të dyshimit të bazuar për kryerjen e veprave penale “bashkim kriminal”, “zbulim të sekretit shtetëror “,”pengimi i drejtësisë” dhe “përvetësimi i kundërligjshëm dhe fshehje”, njoftoi MPB.
Të denocuarit D.G. dhe E.A., siç është bërë e ditur në kumtesë, gjatë periudhës kur ata ishin të punësuar në Ministrinë e Punëve të Brendshme, së bashku me O.P., u bashkuan me një grup të krimit të organizuar për të cilin ata kanë mbledhur, informuar, komunikuar, transferuar, ose kanë siguruar ose në mënyrë tjetër kanë mundësuar transferimin e të dhënave të cilat paraqesin sekret zyrtar.
“Në periudhën nga dhjetori 2019 deri në mars 2021, duke ditur për interesin e madh për marrjen e këtyre nformatave mbi hulumtimin për hetime aktuale kriminalistike, si dhe masat e planifikuara dhe aktivitetet për privimin nga liria, me theks të veçantë për të dhëna se a dhe për të cilët individ po zbatohen masa operative dhe hetime kriminalistike, dhe se të dhëna dhe informacione të tilla mund të merren duke dhënë shpërblime në të holla, ata kanë qenë të lidhur me këtë grup kriminal në të cilin të njëjtit luajtën një rol të veçantë në transmetimin e informacioneve zyrtare në lidhje me grupet kriminale të organizuara të përfshira në kryerjen e aktiviteteve kriminale në më shumë fusha, veçanërisht në vepra të krimeve të rënda, nga të cilat për disa prej veprave penale është i paraparë edhe dënimi me burgim të përjetshëm”, thonë nga MPB.
Byroja për Siguri Publike pranë MPB-së në koordinim me Prokuror Publik nga PTHP për NKOK, nga tetori i vitit 2023 deri më janar të vitit 2024 ka zbatur hetim për shtetas të Maqedonisë, të cilët si pjesëtarë të grupit kriminal ndërkombëtar, duke shfrytëzuar aplikacionin enkriptik SKY/EEC janë marrë vesh për ndërmarrjen e aktiviteteve për organizimin me furnizim dhe transferim të kokainës nga vendet e Amerikës Jugore deri te vendet e BE-së dhe Republikës së Maqedonisë së Veriut dhe kanë marrë pjesë në kryerjen e veprave tjera penale, të cilat kanë përfunduar me kallëzim penal për 16 persona. Pas parashtrimit të kallëzimit penal, Departamenti i Policisë Kriminalistike ka vazhduar me analizën e të dhënave të marrura nga Evropol-i dhe Euroxhast-i dhe në koordinim me Prokuror Publik nga PTHP për NKOK janë siguruar dëshmi në bazë të të cilave është ardhur në njohuri se të denoncuarit i kanë kryer veprat.
“Mënyra se si të denoncuarit i kanë kryer veprat penale kanë shkaktuar dëme në punën e autoriteteve shtetërore në ndjekjen penale të personave që janë të rëndësishëm për aktivitetet e sigurisë publike, sigurisë dhe inteligjencës, si dhe mbledhjen dhe transmetimin e informatave që nuk janë të destinuara për përdorim publik, me zbulimin e të cilave është zvogëluar efikasiteti i funksionimit të autoriteteve shtetërore. Më datën 02.11.2024, pas ndërmarrjes së amsave dhe aktiviteteve operativo-taktike, si dhe në bazë të urdhëresës të Gjykatës Themelore Penale Shkup, janë kryer bastisje në shtëpitë e personave, gjatë të cilave janë gjetur dhe sekuestriar telefona celularë, lap-top kompjuterë dhe dokumentacion i ndryshëm. Personat janë privuar nga liria”, bëhet e ditur në kumtesën e MPB-së.
