Miliarderja amerikane, Kim Kardashian, ka shtuar në flotën e veturave të saj edhe Cybertruckun e Tesla-s, sipas një imazhi të publikuar në Insta Story, duke u treguar ndjekësve të saj se kishte çuar fëmijët e saj në shkollë me “bishën” e re të Tesla-s.
Ylli i familjes Kardashian ekspozoi veturën më të fundit, duke publikuar dy imazhe të kamionçinës Cybertruck që ishte lansuar në muajin nëntor për tregun amerikan, shkruan PageSix.
Miliarderja 43-vjeçare, e parkoi veturën e shtrenjtë në një parking të jashtëm derisa përmes një përshkrimi tregoi se po përdorte si “makinë familjare”.
Kim Kardashian e cila është themeluese e brendit “Skims” posedon një sërë makinash luksoze.
Cybertruck-u është më i fundit në flotën e saj të veturave dhe ka vetëm pak muaj që është lansuar për tregun amerikan.
Kamionçina e brendit Tesla në pronësi të titanit të teknologjisë Elon Musk, vjen në tre versione dhe varianti më i lirë kushton 57 mijë dollarë.
