Pekin, 26 gusht, argument.mk/ – Kina dhe India zhvilluan të martën në Pekin raundin e 25-të të bisedimeve mes përfaqësuesve të posaçëm të të dy vendeve, duke zhvilluar shkëmbime gjithëpërfshirëse, të thelluara, miqësore dhe të hapura për çështjen e kufirit dhe për marrëdhëniet dypalëshe.
Ministri i Jashtëm i Kinës Wang Yi, njëherësh anëtar i Byrosë Politike të Komitetit Qendror të PKK, drejtor i Zyrës së Komisionit Qendror për Punët e Jashtme dhe përfaqësues i posaçëm i Kinës për Çështjen e Kufirit mes Kinës dhe Indisë, tha se zhvillimi i shëndetshëm dhe i qëndrueshëm i marrëdhënieve Kinë-Indi, u shërben interesave themelore të dy popujve.
Ai tha se marrëdhëniet Kinë-Indi kanë tejkaluar fushën dypalëshe dhe kanë rëndësi globale dhe strategjike.
Kina është e gatshme të përpiqet bashkërisht me Indinë për të zhvilluar marrëdhëniet dypalëshe nga një perspektivë strategjike dhe afatgjatë, që të bëhen fqinj dhe miq të mirë, si dhe partnerë që ndihmojnë njëri-tjetrin të kenë sukses dhe të realizojnë “Tangon Dragoi-Elefant,” tha Wang.
Duke vënë në dukje se të dyja palët po zbatojnë sistematikisht konsensusin e arritur në takimin e përfaqësuesve të posaçëm, Wang tha se palët duhet të vendosin çështjen kufitare në një pozicion të përshtatshëm në marrëdhëniet dypalëshe, të ecin përpara pa ndalim, regresion apo devijim, si dhe të ndërtojnë gradualisht një prirje pozitive për çështjet kufitare Kinë-Indi, falë dialogut, paqes, konsultimit dhe bashkëpunimit.
foto nga VCG
Ajit Doval, përfaqësuesi i posaçëm i Indisë dhe këshilltari i Sigurisë Kombëtare, tha se pala indiane është e gatshme të forcojë më tej komunikimin strategjik me palën kineze, të menaxhojë në mënyrë efektive zonat kufitare, të eksplorojë zgjidhje për çështjen kufitare dhe të promovojë përmirësimin dhe zhvillimin e përshpejtuar të marrëdhënieve Indi-Kinë.
Të dyja palët patën shkëmbime të thelluara për avancimin e negociatave kufitare, menaxhimin dhe kontrollin e duhur të kufirit, përmirësimin e ndërtimit të mekanizmave dhe promovimin e bashkëpunimit ndërkufitar.
Të dyja palët riafirmuan se do të kërkojnë, nën frymën e respektit dhe mirëkuptimit të ndërsjellë, një paketë të drejtë, të arsyeshme dhe të pranueshme reciprokisht për çështjen e kufirit.
Të dyja palët do të vazhdojnë të trajtojnë siç duhet çështjen e kufirit përmes dialogut dhe konsultimit dhe së bashku të ruajnë paqen dhe qetësinë në zonat kufitare.
Të dyja palët ranë dakord të mbajnë raundin e 26-të të bisedimeve mes përfaqësuesve të posaçme të dy vendeve për çështjen e kufirit në Indi në vitin 2027.
