Kina shprehu pakënaqësinë të fortë me kufizimet e zgjeruara të Holandës në eksportin e makinave fotolitografike. Një zëdhënës i Ministrisë kineze të Tregtisë kritikoi presionin që bëhet për të forcuar kontrollet e eksportit të gjysëmpërçuesit dhe pajisjet përkatëse, duke nxitur Hoandën të respektojë rregullat e tregtisë ndërkombëtare dhe të përmbahet nga abuzimi i masave të kontrollit të eksportit.
Qeveria holandeze bëri të ditur ditët e fundit se do të zgjeronte kërkesat e licencimit të eksportit për mjetet e litografisë të tipit ASML 1970i dhe 1980i, sipas Reuters.
Kina dhe Holanda janë angazhuar në konsultime të shumta dhe të shpeshta mbi kontrollet e eksportit të gjysmëpërçuesve. Megjithatë, bazuar në kontrollet e saj të eksportit të prezantuara në vitin 2023, Holanda ka zgjeruar kufizimet për makinat fotolitografike.
Henk Overbeek, profesor i Universitetit Vrije të Amsterdamit, i tha gazetarit të Grupit Mediatik të Kinës (CMG) duke analizuar këtë problem , tha se në fakt Kina ka pasur një zhvillim shumë të shpejtë në industrinë e mikroçipave dhe politka ekzistuese amerikane e evropiane për kufizimin e eksportit mbetet një strategji vetëdëmtuese. Kjo masë frenuese ndoshta është e efektshme brenda një kohe të shkurtër, sepse ndërmarrjet kineze kanë nevojë për njëfarë kohe për zhvillimin e pajisjeve zëvendësuese. Por nga këndvështrimi afatgjatë, Kina do të mbështetet edhe më pak te teknologjitë perëndimore se në të kaluarën.
