Edhe Aleanca për Ardhmërinë e Kosovës ka hedhur akuza në drejtim të qeverisë Kurti për “kapjen” e këtij mediumi që edhe kjo parti konsideron se “nuk është më i pavarur si institucion”, raporton Ekonomia Online.
Deputeti i AAK-së Pal Lekaj, ka thënë se RTK-ja nxjerr në ekran gjërat që kërkohen nga VV-ja.
Sipas tij, për katër vite të kësaj qeverisje, “RTK nuk është Radio Televizioni i Kosovës, por është Radio Televizioni i Kurtit”.
“RTK nuk po punon me program të vetë po me program të VV-së. RTK nuk nxjerr në ekran gjëra që ju duhen qytetarëve, por nxjerr gjera që kërkohen nga VV-ja. Në RTK kurrë nuk ka pasur me pak hapësirë për gazetar profesionist. RTK është TV i propagandës së VV-së dhe nuk është i qytetarëve të Kosovës. Që katër vjet RTK nuk është Radio Televizioni i Kosovës, por është Radio Televizioni i Kurtit. Nuk i duhet një bord që është i kontrolluar që keq përdor fjalën e lirë, ky bord dhe kjo udhëheqje që dirigjohet nga qeveria Kurti duhet të shkarkohet sa më parë se nuk i bënë mirë as mediat as demokracisë”, ka thënë ai.
