Lëvizja Demokratike trajnon funksionarët për qeverisje me përgjegjësi dhe vizion të ri

Shkup, 22 shkurt – Lëvizja Demokratike ka mbajtur një trajnim të rëndësishëm me funksionarët e saj, duke u fokusuar në ndërtimin e një force të re politike që sjell freski dhe ndryshime të vërteta.

Gjatë këtij trajnimi, u theksua rëndësia e ndërtimit të një strukture të fortë në çdo komunë ku jetojnë shqiptarë, duke qenë një lëvizje pranë qytetarëve, në çdo lagje, fshat dhe qytet.

Lëvizja Demokratike theksoi se po i bashkohen gjithnjë e më shumë të rinj, njerëz të ndershëm dhe me integritet, të
cilët sjellin energji të reja dhe ide të guximshme.

“LD nuk ofron figura të konsumuara politike, por një vizion të ri për politikën shqiptare. Kjo lëvizje po ndërton një gjeneratë të re politikanësh, të pastër nga korrupsioni dhe të çliruar nga e kaluara, me një plan të qartë dhe aftësi për të sjellë rezultate konkrete. Politika e LD bazohet në punë dhe jo në fjalë, duke u angazhuar për të ofruar zgjidhje dhe jo justifikime. Për këtë arsye, investimi në kapacitetet njerëzore dhe dëgjimi i zërit të popullit mbeten prioritete kryesore”, thuhet në kumtesën e Lëvizjes Demokratike.

Ndërtimi i një ekipi të aftë për të qeverisur me përgjegjësi është kyç për Lëvizjen Demokratike, me theks të veçantë tek parimi se pushteti është përgjegjësi dhe jo privilegj, apo siç thonë “Çdo funksionar duhet të jetë në shërbim të qytetarëve”.

Në këtë trajnim, u nënvizua rëndësia e njohjes së institucioneve, ligjeve dhe procedurave shtetërore.

“LD nuk dëshiron politikanë që humbin në burokraci, por njerëz të aftë për të ndihmuar qytetarët, për të zgjidhur probleme dhe për të qenë një urë lidhëse mes popullit dhe shtetit”, thuhet në komunikatë.

Siç thonë më tutje Lëvizja Demokratike i ka hapur dyert për një gjeneratë të re, të pastër dhe të pakomprometuar, duke u ofruar mundësi atyre që kurrë nuk kanë qenë pjesë e rretheve korruptive.

“Kjo forcë politike është krijuar nga populli dhe punon për popullin, duke ndërtuar një lëvizje të vërtetë për të gjithë kombin dhe jo thjesht një parti për individë të veçantë”, thonë nga LD.

- Advertisement -

Ky trajnim sipas tyre shënoi një hap të rëndësishëm në zhvillimin e Lëvizjes Demokratike, duke i dhënë prioritet ndërtimit të një ekipi të fortë dhe të përgatitur për sfidat e qeverisjes me përgjegjësi.

Lëvizja Demokratike trajnon funksionarët për qeverisje me përgjegjësi dhe vizion të ri

Stay Connected

Latest News

Thaçi mobilizon strukturat e PDSH-së në Gostivar

Problemet dentare tek fëmijët, Abazi: Duhen vizita të rregullta tek dentisti

Alarmohet NATO, anija ruse ankorohet shumë pranë bregut të Gjermanisë

Kujdes kur udhëtoni drejt Greqisë, paralajmërohet grevë nga ana e doganierëve

Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit “Argument”.

Quick Link

Sign Up for Our Newsletter

You Might Also Like

Stay Connected

Latest News