Aktorja amerikane Lindsay Lohan jeton në Dubai që nga viti 2014, dhe tani ajo ka zbuluar pse vendosi të largohej nga Hollywoodi.
Konkretisht, si arsye kryesore për largimin nga Hollywoodi në shfaqjen Live with Kelly and Mark, ajo tha se ndjeu nevojën për privatësi. Ajo pohon se ligjet më të rrepta për mbrojtjen e jetës së saj private i mundësojnë të jetojë një jetë më të qetë dhe më të sigurt, larg vëmendjes së vazhdueshme të medias.
“Unë jetoj një jetë të qetë dhe normale, larg Hollywood-it. Nuk kam pse të shqetësohem nëse dikush do t’i bëjë një foto djalit tim ndërsa jam ulur në një restorant. Ndihem e sigurt”, tha Lohan në emision.
Kur prezantuesja e pyeti nëse ekziston mundësia që paparacët ta ndjekin në Dubai, Lohan theksoi se rregullat atje janë shumë më të rrepta. Fotografimi i njerëzve pa lejen e tyre nuk lejohet as në hapësirat publike, gjë që krijon një ndjenjë lirie dhe sigurie që asaj i mungonte në të kaluarën.
Lohan më parë ishte një shënjestër e vazhdueshme e medias dhe presioni i vazhdueshëm i medias e bënte të ndihej e keqkuptuar.
“Mund të bësh 99 gjëra siç duhet, dhe fokusi do të jetë gjithmonë tek ajo e gabuara,” tha ajo në vitin 2018, duke theksuar se publiku shpesh i injoron anët e saj të mira dhe përpjekjen që ajo bën për të përparuar si person.
Pas vitesh tërheqjeje nga sytë e publikut, Lohan është rikthyer gradualisht në skenën e filmit vitet e fundit. Aktualisht ajo po punon për promovimin e filmit “Freakier Friday”, vazhdimi i hitit të njohur “Freaky Friday” të vitit 2003.
