E ardhmja e Ruben Amorim te Manchester United është vënë edhe më shumë në dyshim, pasi tanimë edhe futbollistët kanë filluar të jenë kundër tij.
Sipas mediumit The Guardian, disa lojtarë të Manchester United po vënë në pikëpyetje efektivitetin e taktikave dhe aftësive të menaxhimit të lojtarëve të trajnerit Ruben Amorim.
Dyshimet vijnë pas një fillimi të vështirë të sezonit për ekipin nga Old Trafford.
Manchester United u eliminua nga Kupa e Ligës në raundin e dytë pasi humbi ndaj ekipit të divizionit të katërt Grimsby Toën në penallti. Në Ligën Premier, ata kanë një humbje ndaj Arsenalit (0-1) dhe një barazim kundër Fulhamit (1-1).
Raporti thotë se lojtarët kanë probleme me këmbënguljen e trajnerit në përdorimin e formacionit 3-4-3. Qasja e tij ndaj menaxhimit të skuadrës thuhet gjithashtu se shihet nga disa si joproduktive.
Drejtori sportiv i United, Jason Wilcox, thuhet se është në dijeni të problemeve dhe mund të ndërmarrë hapa për t’i zgjidhur ato.
