Manchester United pritet të bëjë një ofertë prej 85 milionë eurosh për një lojtar të Real Madridit i cili është cilësuar si ‘lojtari i tyre më i rëndësishëm’.
United pritet të sjellë një numër përforcimesh në verë, teksa po synojnë të përmirësojnë atë që ka qenë një sezon për t’u harruar në Ligën Premier.
Të pozicionuar në pozitën e 13-të dhe të etur për ta fituar Ligën e Evropës për të siguruar kualifikimin sezonin e ardhshëm në Ligën e Kampionëve, ‘Djajtë e Kuq’ pritet t’i nënshtrohen një sërë ndryshimeve në verë.
Një numër lojtarësh janë lidhur me një kalim të mundshëm në ‘Old Trafford’ dhe raportimet e fundit nga Spanja bëjnë me dije se një ofertë prej 85 milionë eurosh po përgatitet për Federico Valverden.
Uruguaiani ka tetë gola dhe shtatë asistime në 46 ndeshje në të gjitha garat deri më tani dhe madje ka mbajtur shiritin e kapitenit në ndeshjet ku nuk kanë luajtur Luka Modric dhe Lucas Vazquez.
Ani pse ka kontratë me Real Madridin deri në vitin 2029 dhe mbetet pjesë e rëndësishme e ekipit të Carlo Ancelottit, Fichajes ka bërë me dije se United e vlerëson atë si një lojtar kyç për projektin e tyre të ri.
Vinicius Jr, njëri ndër yjet e Real Madridit, e ka përshkruar Valverden si lojtarin më të rëndësishëm të ekipit dhe ka thënë se ai bën çdo gjë në mënyrë fantastike.
Valverde iu bashkua Real Madridit nga Penaroli në vitin 2016 dhe fillimisht ka luajtur në Real Madrid Castilla para se të bëjë 305 paraqitje me ekipin e parë, duke fituar tre tituj të La Ligas dhe dy të Ligës së Kampionëve.
