Kryetari i Partisë Demokratike të Kosovës, Memli Krasniqi, ka njoftuar se kjo parti do ta organizojë tubimin përmbyllës të fushatës më 8 shkurt, një ditë para zgjedhjeve.
Sipas Krasniqit, tubimi përmbyllës do të nisë nga ora 16:00 dhe do të mbahet në sheshin “Zahir Pajaziti” në kryeqytet.
“Me mirënjohje të thellë për mbështetjen tuaj të jashtëzakonshme, ju ftoj të gjithëve në përmbylljen madhështore të fushatës sonë”, tha Krasniqi.
Më tej, Krasniqi tha se pas 9 shkurtit, Kosova do të jetë “MaMirë”.
