Kavadar, 04 nëntor – Zëvendëskryeministri i Parë dhe Ministri i Mjedisit dhe Planifikimit Hapësinor, Izet Mexhiti, i shoqëruar nga drejtori i Administratës për mjedisin jetësor, Igor Nikoski dhe drejtoresha e Inspektoratit Shtetëror të Mjedisit, Ivana Ginovska, vizituan “Kiro Spandzov-Brko”. Shkolla e mesme në Kavadar, ku patën mundësinë të shohin risitë, gjegjësisht makinat për pastrimin e ajrit, të prodhuara nën mentorimin e profesorit të tyre Dimitrije Angelkovski.
Gjatë vizitës, gjimnazistët dhe mësuesi i tyre i prezantuan zëvendëskryeministrit Mexhiti risitë e tyre, të cilat konsistojnë në zgjidhje inovative për sfidat mjedisore që ekistojnë në vendin tonë.
Gjatë vizitës u prezantuan projekte si komposti, i cili prodhon pleh organik nga mbetjet ushqimore, si dhe akumulatorë energjie që kontribuojnë në përmirësimin e kushteve mjedisore.
Nxënësit demonstruan punën e tyre dhe realizimin e projekteve që ndikojnë pozitivisht në qëndrimin e tyre të përditshëm në shkollë.
