Shkup, 11 dhjetor – Moti sot do të jetë pjesërisht i vranët me periudha me diell, ndërsa paradite do të ketë paraqitje të mjegullës dhe vranësira të ulëta në disa lugina. Do të fryjë erë e lehtë nga drejtim i ndryshueshëm. Temperatura minimale do të jetë në intervalin prej -2 deri në 4, ndërsa ajo maksimale do të arrijë prej 6 deri në 14 gradë Celsius.
Në Shkup në mëngjes do të ketë paraqitje të mjegullës dhe vranësira të ulëta, ndërsa gjatë ditës do të mbajë mot pjesërisht me vranësira dhe e qetë. Temperatura minimale do të ulet në 3, ndërsa ajo maksimale deri në 10 gradë.
Sipas paralajmërimeve nga Drejtoria për Punë Hidrometeorologjike (DPHM), deri të premten do të ketë mot të ndryshueshëm me vranësira dhe mot me diell. Në lugina do të ketë paraqitje të mjegullës ose vranësira të ulëta dhe ulje të temperaturës ditore. Të shtunën në fund të ditës dhe të dielën do të ketë reshje të kohëpaskohshme lokale të shiut, ndërsa në male borë.
