Ministri në detyrë i Financave, Hekuran Murati, ka theksuar se Kuvendi sot ka mundësinë të përmbyllë procesin e konstituimit duke zgjedhur nënkryetarin e 5-të, i cili sipas Kushtetutës duhet të vijë nga komuniteti serb.
Ai u ka bërë thirrje deputetëve që ta votojnë Nenad Rashiqin për këtë post.
Ai ka shtuar se ka bërë të qartë se për çdo kandidat nga Lista Serbe, që vepron kundër Republikës së Kosovës, vota e tyre është kundër.
Postimi:
Kuvendi sot e ka mundësinë të përmbyllë procesin e konstituimit duke zgjedhur edhe nënkryetarin e 5-të që sipas Kushtetutës duhet të jetë nga komuniteti serb.
Para deputetëve janë dy opsione:
– Të zgjedhin njërin nga 9 deputetët e Listës Serbe, që nëkupton dikush i dirigjuar nga terroristi Milan Radojçiq në kryesi të Kuvendit, apo
– Të zgjedhin një deputet si z. Nenad Rashiq që nuk është nga Lista Serbe.
Ne e kemi bërë të qartë që për cilindo nga Lista Serbe, e cila punon kundër Republikës së Kosovës, vota jonë është kundër.
Prandaj i vetmi opsion që mbetet për t’u zgjedhur nënkryetar i Kuvendit është z. Rashiq.
Për cilin opsion janë deputetët e opozitës?
