Vedat Muriqi vazhdon që të jetë protagonist me fanellën e Majorkës në kampionatin spanjoll. Sulmuesi kosovar ka shënuar golin e fitores në suksesin 2-1 përballë Rayo Vallecanos.
Muriqi ka gjetur rrugën e rrjetës në minutën e 91-të, kur ndeshja ishte në barazim 1-1, duke i dhënë një trepikësh të çmuar Majorkës në kampionat.
Ky ishte goli i 5-të në kampionat këtë sezon për bomberin kosovar, një gol që rikthen te fitorja Majorkën, që nuk merrte tre pikë në kampionat prej 4 ndeshjesh.
