Shkup, 10 dhjetor – Ish zëvendës kryeministri dhe deputet aktual i BDI, Musa Xhaferi lidhur me zhvillimet e fundit politike në vend dhe zgjerimin e listës së zezë amerikane në të cilën së fundi bën pjesë edhe ish zëvendës kryeministri i parë Artan Grubi, gishtin dhe fajin e asaj se pse BDI sot është në opozitë e hedh pikërisht tek Grubi dhe veprimet e tij.
“Merri kuferat dhe i thotë Izet Mexhitit dhe tjerëve paketoni dhe shkoni, e në fund ata i morrën kuferat dhe na paketun neve, na çun në opozitë, mua më vjen keq jo pse unë kam qenë mendimtari i asaj, por një lëvizje minimalisht një vit para zgjedhjeve ose gjashtë muaj të një rotacioni të vogël brenda partisë, i dini për cilët aludoj jam i sigurtë se do të dilnim edhe më mirë në zgjedhjet e fundit. Ekeni fjalën për Artan Grubin? Po si se kam fjalën, në mes fushate tash pavarësisht kjo nuk ka pardon këtu por i thotë Izet Mexhitit dhe tjerëve paketoni dhe shkoni, e në fund ata na paketun neve dhe na çun në opozitë”, thotë kështu Xhaferi në KohaCast.
