Dibër, 22 maj – Komuna e Dibrës njoftoi se prej sonte do të realizohet spërkatja kundër mushkonjave në zonën e Komunës.
“Kjo bëhet në pajtim me Ligjin për mbrojtjen e popullatës nga sëmundjet infektive, e në bazë të vendimit të Këshillit të Komunës së Dibrës për zbatimin e dezinfektimit sistematik parandalues në territorin e komunës, si masë e përgjithshme kundër epidemisë”, shtojnë nga Komuna.
Spërkatja do të kryhet nga ekipe të Kompanisë për prodhim, ndërtim, inxhinieri, tregti dhe shërbime LISA-KOM MS SHPKNJK eksport-import Kavadar, të cilët do të kryejnë dezinfektim teristik nga toka për të shkatërruar mushkonjat.
Do të përfshihen sipërfaqet e gjelbra në komunë, bregu i Liqenit të Dibrës, deponitë dhe brezi kufitar, vendbanimi urban i Dibrës, si dhe lokalitetet tjera të parapara në plan dhe program.
Për shkak të kësaj, luten bletarët dhe kooperativat e bletarisë që të marrin masat e duhura për mbrojtjen e bletëve.
Në rast të paraqitjes së kushteve jo të volitshme të motit, si era, shiu, dezinfektimi shtyhet për ditën e ardhshme.
