Kumanovë, 1 shkurt – Në kuadër të luftës kundër kancerit në qafën e mitrës, mjekët apelojnë që fëmijët të vaksinohen me qëllim të shmangies së komplikimeve të mundshme. Kompe-tentët nga ISHP “Shtëpia e Shëndetit” në Kumanovë thonë se vaksinat janë me origjinë nga Holanda dhe janë të sigurta. Mirëpo megjithatë ekziston interesim teje i ulët për pranimin e vaksinave “HPV” të cilat mbrojnë nga infeksionet e shkaktuara nga “Human Papilloma”.
“Ekziston një lloj skepticizmi që na bën që në vendin tonë të jeni të jemi të kënaqur me përqindjen në këtë lloj vaksinimi. Vazhdimisht i edukojmë prindërit për benefitet nga ky lloj vaksinimi. Vaksina për mbrojtje nga Human Papilloma Virus? I cili shpeshherë është shkak për karcinome që paraqiten në qafën e mitrës. Vaksinimi tek ne është i obligueshëm dhe realizohet nëpër shkollat fillore pas moshë 12 vjeçare respektivisht ne klasën e shtatë.”, u shpreh dr. Valentina Bogoevska Dimitrievska nga ISHP “Shtëpia e Shëndetit” Kumanovë.
Nga muaji maj i vitit të kaluar vaksina mund tu jepet edhe meshkujve që paraqet mbrojtje për popullatën e përgjithshme sepse meshkujt mund ta bartin infeksionin.
“Përfshirja lëviz prej 50 deri në 60% në Kumanovë. Ndërkaq në disa shkolla këtu e kam fjalën për tek shkollat me mësim në gjuhën shqipe gjegjësisht tek popullata shqiptare përqindja për vaksinim me këtë lloj vaksine arrin edhe deri në 95%. Megjithatë në shkolla të caktuara me mësim në gjuhën maqedonase shihet se numri i të interesuarve për vaksinim është i vogël, ndoshta kjo është si rezultat i fushatës antivaksinim apo dezinformimit rreth kësaj vaksine.”, tha Bogoevska Dimitrievska.
Vlen të theksohet se në disa shtete si Belgjika dhe Australia si rezultat i vaksinimit të përgjithshëm pritet që shpejt të zhduken infeksionet e HPV. Shi edhe për këtë edhe tek ne rekomandohet një fushatë gjithëpërfshirëse për pranimin e vaksinës HPV.
