Shkup, 29 tetor – Paradite në disa lugina do të ketë kushte për paraqitje të mjegullës së dobët. Gjatë ditës do të jetë mot me diell, vranësira mesatare dhe me erë të dobët deri mesatare nga drejtimi verior.
Temperatura minimale do të jetë në interval prej 1 deri 8, ndërsa ajo maksimale do të jetë prej 20 deri 26 gradë.
Në Shkup paradite me kushte për mjegull të dobët, ndërsa gjatë ditës me diell dhe vranësira mesatare. Do të fryjë erë e lehtë nga drejtimi verior. Temperatura minimale do të ulet deri 7, ndërsa ajo maksimale do të arrijë deri 24 gradë Celsius.
Sipas parashikimeve të DPHM-së, në dy ditët e ardhshme do të ketë rritje të vransirave me reshje të dobëta të shiut lokal të mërkurën. Pastaj do të vijojë periudha e motit stabil dhe të thatë me temperatura më të ulëta ditore.
