Shkup, 15 korrik – Sot u nënshkrua një Memorandum i rëndësishëm bashkëpunimi ndërmjet Qendrës për Menaxhim me Kriza (QMK), e udhëhequr nga drejtori Muhamed Ali, dhe Shoqatës vullnetare të zjarrfikësve “Bajram Miftari – Çair”, me kryetar Artan Demirin.
> “Qytetarët dhe vullnetarët janë shtylla kyçe e një sistemi të fortë për menaxhimin e krizave. Përmes këtij bashkëpunimi, forcojmë kapacitetet tona për të garantuar një reagim më të shpejtë dhe më të organizuar në raste emergjente,” theksoi drejtori i QMK-së, Muhamed Ali.
Memorandumi përfshin angazhime konkrete për trajnime të përbashkëta, ndarje të informacionit në kohë reale, dhe aktivizimin e resurseve njerëzore dhe teknike në situata të rrezikut të lartë.
Ky është një hap i rëndësishëm drejt ndërtimit të një komuniteti më të sigurt dhe më të përgatitur në rast të fatkeqësive natyrore apo krizave të tjera.
