Shkup, 26 qershor – Nga 1 korriku deri më 31 gusht, në rrugët shtetërore në Republikën e Maqedonisë do të vendoset regjim i përkohshëm veror i trafikut, me të cilin ndalohet lëvizja e automjeteve të rënda mallrash me masë totale mbi 15 ton, gjatë fundjavës dhe në ditët me temperatura jashtëzakonisht të larta.
LAMM i ka publikuar edhe oraret në të cilat do të ndalohet lëvizja e automjeteve të rënda.
Afatet janë si më poshtë:
– E premte nga ora 17:00 deri në 22:00,
– E shtunë nga ora 9:00 deri në 18:00 dhe
– E diel nga ora 9:00 deri në 22:00.
Në segmentin e autostradës A2: Shkup – Ohër – Shkup (e vlefshme deri më 1 shtator), lëvizja e automjeteve të rënda mallrash, masa totale e të cilave tejkalon 7.5 ton, është e ndaluar gjatë fundjavave, në intervalet e mëposhtme:
– E premte nga ora 15:00 deri në 22:00,
– E shtunë nga ora 07:00 deri në 12:00 dhe nga ora 18:00 deri në 24:00 dhe
– E diel nga ora 07:00 deri në 22:00.
