Një nga supermakinat më të rralla dhe më të avancuara në botë, Mercedes-AMG ONE, është shkatërruar nga një zjarr i fuqishëm.
Ky automjet me vlerë shumë milionëshe, pjesë e vetëm 275 ekzemplarëve të prodhuar, u përfshi nga flakët para se zjarrfikësit të mund ta shuanin, përcjell Telegrafi.
Shkaqet e zjarrit janë ende të panjohura, por rasti ka tërhequr vëmendjen e entuziastëve dhe pronarëve të AMG ONE.
Mercedes-Benz pritet të nisë një hetim të plotë.
AMG ONE ein heisser Sportwagen 🤣, wäre besser ohne Lithium Ion Akku🤔🤷♂️
Edhe pse nuk ka një lidhje të konfirmuar me sistemin hibrid të makinës, prodhuesi do të kërkojë përgjigje, duke pasur parasysh kompleksitetin e teknologjisë së saj që rrjedh nga Formula 1.
Ngjarje e ngjashme kishte ndodhur vitin e kaluar me Lamborghini Revuelto, i cili u tërhoq nga tregu pas një zjarri të shkaktuar nga një problem me linjën e vajit.
Fatmirësisht, nuk raportohet për ndonjë të lënduar nga ky incident.
