Shkup, 31 korrik – Zëvendëskryeministri dhe ministër i Transportit, Aleksandar Nikollovski kumtoi se do të vendosen pesëlinja të reja ajrore nga Aeroporti ndërkombëtar Shkup. Nga nëntori, nga Shkupi do të fluturohet drejt Madridit dhe Stokholmit, ndërsa nga dhjetori drejt Pragës, Barit dhe Kelnit.
“Sot në mëngjes nënshkruam Marrëveshje për pesë destinacione tër eja të cilat do të operohen nga aeroporti i Shkupit. Pesë fluturime të reja të cilat do të thonë më shumë turistë në Maqedoni, më shumë biznes në Maqedoni dhe më shumë mundësi për të gjithë qytetarët e Maqedonisë. Tashmë nga nëntori fillon linja e rregullt ajrore Stokholm – Shkup. Gjithashtu, tashmë nga nëntori fillon linja e rergullt Madrid – Shkup, ndërsa nga dhjetori fillon linja e re e rregullt Bari – Shkup, nga dhjetori Keln – Shkup dhe gjithashtu nga dhjetori fillon edhe linja e rregullt ajrore Pragë – Shkup”, deklaroi Nikollovski.
Me pesë linjat e reja dhe 11 të cilat tashmë janë hapur, siç theksoi, vetëm për një vit janë realizuar 16 linja të reja ajrore.
“Dhe këtë numrat e tregojnë, vetëm në gjysmën e parë të këtij viti nga aeroporti i Shkupit dhe i Ohrit gjithsej janë transportuar 1,5 milion udhëtarë që është rritje për 5% nga aeroporti i Shkupit dhe 11% nga aeroporti i Ohrit. Në periudhën në vijim do të ketë akoma lajme të mira, paralajmëroj se do të ketë akoma linja të reja. Me fat linjat e reja nga Stokholmi, Madridi, Bari, Kelni dhe Praga të cilat do të thonë më shumë turistë për Maqedoninë, shumë më tepër biznese dhe më shumë mundësi për qytetarët e Maqedonisë. me fat!”, theksoi zëvendëskryeministri dhe ministër i Transportit, Aleksandar Nikollovski.
