Një gjuetar australian gjarpërinjsh ka pranuar një raportim për të larguar një gjarpër “shumë helmues” nga dhoma e gjumit të një vajze 7 vjeçare.
Në një postim në Facebook nga Sunshine Coast Snake Catchers 24/7, thuhet se Giffo është dërguar në shtëpinë e Morayfield në Australi pas raportimit për praninë e një gjarpri të zi me bark të kuq.
Së bashku me përshkrimin, është bashkangjitur edhe videoja ku shihet gjuetari teksa e kap gjarprin nga një çantë në cep të dhomës.
Giffo shpjegon se ky lloj zvarraniku ka një helm “shumë toksik” dhe potencialisht vdekjeprurës.
Bëhet e ditur se pas kapjes gjarpri është lëshuar i lirë në një zonë të shkretë.
