Kryetari i Komunës së Mitrovicës, Faton Peci, ka njoftuar se po vazhdojnë aksionet për ruajtjen e mjedisit, në kuadër të objektivit për një qytet më të pastër, më të gjelbër dhe më të përshtatshëm për jetë. Njoftimi është bërë përmes një postimi në rrjetin social Facebook.
“Në kuadër të përmbushjes së objektivit për Mitrovicën e pastër, të gjelbër dhe të përshtatshme për jetë, po vazhdojnë aksionet për ruajtjen e mjedisit”, ka shkruar Peci.
Ai ka bërë të ditur se sot është realizuar pastrimi i kanalit të ujërave në fshatin Zhabar, si dhe largimi i një deponie ilegale të mbeturinave në afërsi të Zonës së Lirë Ekonomike.
“Sot u bë pastrimi i kanalit të ujërave në Zhabar dhe largimi i deponisë ilegale të mbeturinave në afërsi të Zonës së Lirë Ekonomike”, ka deklaruar kryetari i Mitrovicës.
Në përmbyllje të postimit, Peci ka theksuar synimin për një qytet më funksional dhe të pastër.
“Për një Mitrovicë qytet të gjelbërt, të pastër e funksional”, ka theksuar ai.
