Peja 03 për herë të parë në FIBA EuroCup

Kjo do të jetë hera e parë që nënkampionia e Kosovës garon në FIBA EuroCup Women.

Skuadra nga Peja do të mundohet të përfaqësojë sa më mirë vendin tonë në këtë ligë të fortë evropiane, derisa ka filluar përforcimet për një edicion sa më të suksesshëm.

Në edicionin e ri do të garojnë 48 skuadra, ku do të ndahen 12 grupe me nga katër skuadra.

Shorti për edicionin e ri do të hidhet më 23 korrik, e mërkurë.

Më herët në këtë ligë ka garuar KBF Prishtina.