Shkup, 5 mars – Me nënshkrimin e memorandumit të ri të bashkëpunimit u zgjerua programi për
arsim të dyfshtë i EVN dhe shkollës elektroteknike “Mihajllo Pupin” në Shkup.
Që tani e tutje, përveç mësimdhënies për arsimin trevjeçar në drejtimin elektricist – elektromontues,
modeli për arsim të dyfishtë do të përfshijë edhe profilin arsimor katërvjeçar për Elektroteknikë – inxhinieri.
Për nevojat e mësimdhënies, EVN në këtë shkollë ka pajisur plotësisht kabinetin mësimor me materiale,
mjete e pajisje dhe terren për ushtrime praktike. Kurrikula është përshtatur me ndihmën e ekspertëve të
EVN-së, kurse nxënësit ndjekin edhe punë praktike në kompani. Me përfundimin e programit ata fitojnë
mundësinë e punësimit të sigurt në EVN.
Qëllimi i arsimit të dyfishtë është krijimi i personelit të gatshëm për t’iu përgjigjur nevojave konkrete të
tregut të punës. EVN Maqedoni ishte kompania e parë që filloi zbatimin e modelit të arsimit të dyfishtë në
vitin 2017. Përveç SGUS Mihajllo Pupin, në program është përfshirë edhe OSTU Gostivar. Deri më tani
janë përfshirë 181 studentë, prej të cilëve 32 kanë punësim të përhershëm në kompani.
