Pronarët e automjeteve Tesla të cilët nuk zgjodhën opsionin me vetëdrejtim të plotë (FSD) do të kenë mundësinë ta provojnë atë falas.
Por kjo do të mund të ndodh me kusht që makina të jetë e pajisur siç duhet për të.
Sipas mediave të huaja, përcjell Telegrafi, Elon Musk e ndau lajmin në X, por duket se ka diçka më shumë që po ndodh prapa skenave në lidhje me sistemin famëkeq të ndihmës së shoferit të Tesla-s.
Një memo e brendshme e Tesla-s dyshohet se udhëzon punonjësit e kompanisë të instalojnë FSD në të gjitha automjetet.
Ata janë gjithashtu të udhëzuar që të marrin pronarët në një provë të shkurtër për të demonstruar sistemin.
Raporti i Bloomberg sugjeron që kjo nuk vlen vetëm për blerjet e reja, por edhe për pronarët e automjeteve të vjetra që vijnë për shërbime.
Është gjithashtu e paqartë nëse ky opsion i FSD-së është i motivuar nga arsye ligjore, një shtytje marketingu ose një kombinim i të dyjave.
Në dhjetor 2023, Tesla tërhoqi mbi dy milionë automjete për një përditësim të softuerit në sistemin e saj Autopilot, duke kërkuar masa më të rrepta për të siguruar që drejtuesit të mos abuzojnë me sistemin.
