Shkup, 26 gusht, argument.mk/ – Në Kuvend sot do të mbahen seanca të komisioneve kuvendore për sistem politik dhe marrëdhënie ndërmjet bashkësive, për politikë të jashtme dhe tregti të jashtme, për çështje evropiane dhe Këshilli Buxhetor i Kuvendit.
Në rendin e ditës të Komisionit për sistem politik dhe marrëdhënie ndërmjet bashkësive janë Raporti vjetor për punën e Komisionit shtetëror për parandalimin e korrupsionit për vitin 2025, si dhe raportet e veçanta të Antikorrupsionit për gjendjet e konstatuara në financimin e fushatës zgjedhore për zgjedhjen e kryetarëve të komunave dhe këshilltarëve në komunat, për financimin e fushatës zgjedhore për zgjedhjet e përsëritura për kryetar komune në Komunën e Gostivarit, kryetar komune në Komunën e Vrapçishtit, kryetar komune në Komunën e Mavrovës dhe Rostushës dhe për kryetar komune në Centar Zhupë – viti 2026, Raporti vjetor i Komisionit shtetëror për parandalimin e korrupsionit për zbatimin e Strategjisë Kombëtare për parandalimin e korrupsionit dhe konfliktit të interesave 2021‑2025, për periudhën 01.01.2025 – 31.12.2025 dhe Raporti përfundimtar për zbatimin e Strategjisë Kombëtare për parandalimin e korrupsionit dhe konfliktit të interesave 2021‑2025, për periudhën 01.01.2025 – 31.12.2025.
Anëtarët e Komisionit do të diskutojnë edhe për Strategjinë Kombëtare për parandalimin e korrupsionit dhe konfliktit të interesave 2026‑2030.
Komisioni për politikë të jashtme dhe tregti të jashtme duhet të japë dritë jeshile për propozim të ligjeve për ratifikimin e Konventës për Byronë e Konferencës Evropiane për aviacionin civil, të Protokollit ndërmjet Qeverisë së Republikës së Maqedonisë së Veriut dhe Qeverisë së Republikës së Lituanisë për zbatimin e Marrëveshjes për pranimin e personave që qëndrojnë pa leje, të Marrëveshjes ndërmjet Qeverisë së Republikës së Maqedonisë së Veriut dhe Qeverisë së Republikës së Sllovenisë lidhur me bashkëpunimin në fushën e mbrojtjes dhe të Marrëveshjes ndërmjet Republikës së Maqedonisë së Veriut dhe Republikës së Portugalisë lidhur me bashkëpunimin në fushën e mbrojtjes.
Në rendin e ditës të Komisionit është edhe Propozim i ligjit për paraqitjen dhe kontrollin e investimeve të huaja direkte, në lexim të parë.
Propozimi i ligjit për paraqitjen dhe kontrollin e investimeve të huaja direkte, në lexim të parë është në rendin e ditës të Komisionit për çështje evropiane.
Këshilli Buxhetor i Kuvendit do të shqyrtojë Propozimin e planit strategjik të Kuvendit të Republikës së Maqedonisë së Veriut për periudhën 2027‑2031, Propozim‑vendimin për dhënien e pajtimit financiar për Planin vjetor të punësimit në Shërbimin e Kuvendit për vitin 2027 dhe Propozimin e buxhetit të Kuvendit të Republikës së Maqedonisë së Veriut për vitin 2027.
