Shkup, 30 prill – Rënie e qarkullimit në Grupin Tregtia me pakicë e karburanteve për automobila (nominalisht për 5.2 për qind, dhe reale për 5.1 për qind), regjistroi Enti shtetëror i statistikës në mars të këtij vitit në krahasim me marsin e vitit të kaluar.
Sipas të dhënave paraprake të Entit Shtetëror të Statistikës, në tregtinë me pakicë, në mars 2024, krahasuar me mars 2023, shikuar sipas grupeve dhe klasave, rritje e qarkullimit është vërejtur në grupet: Tregtia me pakicë me produkte joushqimore, përveç karburanteve ( nominalisht për 9.9 për qind dhe realisht për 5.9 për qind), Tregtia me pakicë, me përjashtim të tregtisë së karburanteve (nominalisht për 4.7 për qind dhe realisht për 0.6 për qind), derisa në grupin Tregtia me pakicë me ushqime, pije dhe duhan ka vetëm rritje të normës nominale për 0.1 për qind, kurse në normën reale ka rënie për 4.1 për qind.
