Shkup, 22 maj – Qendra për Menaxhimin e Krizave dhe Departamenti për Operacione dhe Koordinim sot kërkuan koordinim ndërmjet institucioneve për të tejkaluar problemin e madh të furnizimit me ujë në qytetin e Kumanovës.
Gjegjësisht, pas reshjeve të mëdha të shiut dhe breshërit të djeshëm në rajonin e Likovës, është shkaktuar rritje e nivelit të lumit Likovës, e cila ka ndikim në sistemin e ujësjellësit – në stacionin filtrues të NP “Ujësjellësi” Kumanovë. Sipas informacioneve nga përgjegjësi i stacionit të filtrimit, bëhet fjalë për një sasi mbi 10 mijë m3 ujë të turbullt që ndikon në procesin e pastrimit dhe dorëzimit të tij tek qytetarët. Për ato arsye, në sistemin e transmetimit të gazsjellësit është shfaqur turbullira e ujit dhe është ndërprerë shpërndarja për qytetarët, e cila me gjasë do të zgjasë gjatë gjithë ditës së sotme dhe nëse është e nevojshme deri në tejkalimin e situatës, njofton QMK.
Është bërë e ditur se në ora 12 selia komunale do të takohet me të gjithë përfaqësuesit e institucioneve të Komunës së Kumanovës.
