Rihanna ka tërhequr vëmendjen me një paraqitje unike gjatë shtatzënisë, teksa u fotografua duke drekuar në restorantin e saj të preferuar në Santa Monica.
E veshur me një bluzë të shkurtë dhe fund të bardhë maxi që nxirrte në pah barkun e saj të rrumbullakosur, këngëtarja 37-vjeçare konfirmoi pritjen e fëmijës së tretë me partnerin ASAP Rocky.
Vetëm pak ditë më parë, ajo shkëlqeu në premierën e filmit të animuar “Smurfs” në Los Angeles, ku u shfaq për herë të parë në tapetin e kuq me dy djemtë e saj, RZA dhe Riot, shkruan DailyMail.
Në këtë projekt, Rihanna jep zërin e Smurfette, në një rol të ri që vjen përkrah emocioneve të forta familjare.
Gjatë intervistave, ylli i hitit “Umbrella” u shpreh se djemtë e saj kanë energji të pashtershme dhe se mezi pret të ndajë eksperiencën e filmit me ta.
Edhe pse nuk pranoi të zbulonte gjininë e bebit të tretë, ajo pranoi me buzëqeshje se gjithmonë ka dashur një vajzë.
Kjo paraqitje vjen në një moment të ndjeshëm për artisten, e cila së fundmi mori pjesë në funeralin e të atit në Barbados.
Pavarësisht dhimbjes, Rihanna vazhdon të përçojë forcë, elegancë dhe dashuri në çdo paraqitje publike.
