Penelope Cruz së fundmi festoi ditëlindjen e saj të pesëdhjetë dhe me atë rast Salma Hayek publikoi fotot e tyre të përbashkëta, duke përfshirë edhe ato të vitit 1999.
Domethënë, Cruz dhe Hayek ishin ende në fillimet e karrierës së tyre dhe ajo që është interesante është se aktoret pothuajse nuk kanë ndryshuar që nga ajo foto.
Fotoja e lartpërmendur është realizuar në premierën e filmit “Dogma” në New York në vitin 1999 dhe krahas saj përfshin edhe një foto nga ‘Oscars’ e vitit 2000 dhe një tjetër të vitit 2005.
Bashkë me fotot, Salma i ka dërguar edhe një urim emocionues shoqes dhe koleges së saj: “Gëzuar ditëlindjen Penelope. Faleminderit Zot që dërgove një engjëll në tokë disa vite më parë”.
“Faleminderit Penelope për engjëjt e vegjël që ke lindur, je një grua e jashtëzakonshme”, shtoi ndër të tjerash aktorja.
Cruz ka festuar ditëlindjen duke marrë pjesë në një koncert të Bad Bunny dhe ka shpërndarë edhe foto nga eventi që pasoi, ku morën pjesë Hayek dhe shumë personazhe të tjerë të famshëm.
Mes tyre ishin: Rosalia, Robert De Niro, Matt Damon, Maggie Gyllenhaal, Ricky Martin, Pedro Almodovar dhe Adam Driver.
