Shkup, 22 maj – Zgjerimi i BE-së do të jetë element i rëndësishëm nga kryesimi i Danimarkës me Bashkimin Evropian në vitin 2025. Kopenhaga do t’i ndihmojë Maqedonisë së Veriut në rrugën e eurointegrimeve, porositi ambasadorja daneze Suzane Shajn në fjalimin e saj të rastit në shënimin e 30 viteve nga Konsullata e përgjithshme e Mbretërisë së Danimarkës në Shkup.
“Lidhjet mes Maqedonisë së Veriut dhe Danimarkës janë ndërtuar në vlera të ndara, interes të ndërsjellë dhe pikëpamje të ngjarjeve në botë. Aspekti kyç nga puna e jonë gjatë përforcimit të këtyre lidhjeve është t’i ndihmojë vendit të përparojë në rrugën e tij drejt BE-së. Atë punë me siguri do ta vazhdojmë me Qeverinë e re. Në këtë drejtim, dëshiroj të theksoj se Danimarka do ta ndërmerr kryesimin me Bashkimin Evropian në vitin 2025, ndërsa zgjerimi i BE-së do të jetë element i rëndësishëm i kryesimit tonë. Me të gjitha angazhimet e Danimarkës në Maqedoninë e Veriut, Konsullata e përgjithshme e Mbretërisë së Danimarkës ka pasur rol qendror dhe kjo do të vazhdojë të jetë ashtu”, tha ambasadorja Shajn.
Ajo theksoi se Konsullata e përgjithshme daneze me seli në Shkup, filloi me punë në korrik të vitit 1994, me dekret të dhënë nga Mbretëresha daneze Margarete II, e cila për konsullat të përgjithshëm të nderit e emëroi Trajçe Mukaetov. Në vitin 2007, funksionin konsullat i përgjithshëm i nderit e ndërmerr djali i tij, Zhivko Mukaetov.
Aplikacione për viza, leje pune, pasaporta daneze, patent shoferi, kriza e refugjatëve në vitin 1999, hyrja e Danimarkës në Zonën Shengen në vitin 2002, asistimi gjatë vizitave të larta shtetërore, ndihmë gjatë sfidave të shumta, me të cilat shtetasit danezë janë ballafaquar në vend, por edhe promovimi i bashkëpunimit ekonomik dhe kultura daneze në vend, janë pjesë e aktiviteteve, të cilat kjo Përfaqësi konsullare i punon tashmë 30 vite.
Krahas jubileut, ambasadorja daneze theksoi edhe një rast shtesë pët të festuar – ndarje e dekoratës Kalorësi i Klasit të Parë nga Urdhri i flamurit danez për konsullin Mukaetov, që paraqet ngritje në nivel më të lartë nga emërimi i tij në Kalorës të Urdhrit të flamurit danez, dekoratë që Mukaetoiv e ka fituar në vitin 2016.
Konsulli i përgjithshëm Mukaetov iu falënderua ekipit të tij në Konsullatë dhe familjes për përkrahjen e tyre të parezerv për punën e tij.
“Këtu në konsullatë do të vazhdojmë me punën tonë në mënyrën më të mirë të mundur dhe si dhe çdoherë, do të tentojmë t’i ofrojmë shërbim sa më të mirë Mbretërisë së Danimarkës”, tha Mukaetov, duke i dëshiruar ambasadores Shajn shumë fat në miisonin e saj të ri ambasadore në Belgjikë.
Dekorata e flamurit danez për herë të parë është vendosur në vitin 1671 nga ana e Mbretit Kristian V, kur Klasi ka pasur vetëm një shkallë të quajtur Kalorës i bardhë. Në vitin 1808, me iniciativë të Mbretit Frederik IV, Urdhri i flamurit danez është ndarë në katër shkallë, prej të cilëve i pari i rezervuar për anëtarë të familjes mbretërore. Kjo mirënjohje e jashtëzakonshme, që është një nga më të vjetrat në botë, jep respekt për punën e përkushtuar për interesat e Mbretërisë së Danimarkës, për shërbim të merituar shtetëror ose ushtarak, për kontribut të posaçëm në sferat e artit, shkencës ose të biznesit.
Regjistri i dekoratave mbretërore daneze të kalorësve, që udhëhiqet nga viti 1884 përmban rreth 40.000 autobiografi të personave të dekoruar.
Nga qershori i vitit 2023, Mukaetov po ashtu e kryen edhe funksionin Konsull i Mbretërisë së Norvegjisë.
