Askujt nuk i pëlqejnë kritikat, por fatkeqësisht janë diçka që të gjithë duhet të ballafaqohemi me to në një pikë të jetës.
Njerëzit do t’ju gjykojnë në bazë të punës që e keni kryer, qoftë nëse është ajo në punë apo në shtëpi, dhe duhet të ballafaqoheni me të duke treguar durim, pasi që fjalët e ashpra mund t’ju demoralizojnë.
Edhe njerëzit më të njohur në botë tregojnë se është mirë t’i mbani kritikat afër vetes, pasi që vetëm kësisoj do t’i dini fajet tuaja. Kjo është mënyrë e mirë për t’i mësuar dobësitë dhe për t’i mposhtur ato.
Duhet t’i filtroni sugjerimet e vlefshme të kritikës dhe të punoni në to, transmeton Ekonomia Online.
Dëgjoni me kujdes se çfarë kritikët thonë për ju
Fillimisht duhet të dëgjoni se çfarë duan të thonë kritikët për ju. Analizoni komentet e tyre nga të gjitha këndvështrimet dhe shikoni me kujdes nëse janë duke e bërë këtë nga zilia apo thjesht janë sugjerime të vlefshme.
Nëse qëllimet e tyre janë të vërteta, atëherë dëgjoni me kujdes!
Përgjigjuni me qetësi
Pavarësisht se sa të ashpra janë kritikat ndaj teje, gjithmonë duhet t’i dëgjoni dhe t’ju përgjigjeni në mënyrë të qetë pasi kritikët të kenë thënë gjithçka.
Mbani mend, duhet të kontrolloni veten dhe të kujdeseni për nivelet e stresit.
Injoroni kritikat false
Ndonjëherë nuk ka logjikë në komentet kritike të dikujt dhe njerëzit kanë tendenca t’ju kritikojnë vetëm për t’ju lënduar. Prandaj, në situata të tilla duhet të qëndroni të heshtur dhe të mos ju kushtoni vëmendje, por t’i injoroni plotësisht.
Buzëqeshni dhe relaksohuni
Qoftë nëse ju pëlqejnë apo jo komentet e dikujt, ju duhet të qëndroni të pandryshuar. Merrni frymë thellë dhe buzëqeshni, nuk ka rëndësi edhe nëse është buzëqeshje false, pasi që kjo mund t’ju ndihmojë të relaksoheni. Kjo do t’i dërgojë shenja pozitive personit tjetër dhe do ta motivoj atë të ketë një sjellje më të mirë.
Mos i merrni gjërat personalisht
Kjo është rrënja e të gjitha problemeve. Përse njerëzit i marrin gjërat shumë personalisht?
Duhet të kuptoni se kur njerëzit kritikojnë, ata e krijojnë punën tuaj, e jo juve si person.
