Francesco Acerbi ka qenë pjesë e listës së Italisë për dy ndeshjet miqësore që kjo Kombëtare do t’i zhvilloj në Shtetet e Bashkuara të Amerikës.
Azzurët do të përallen me Venezuelën më 21 mars dhe me Ecuadorin tre ditë më vonë.
Megjithatë nga lista është larguar qendërmbrojtësi veteran shkaku i një ofendimi racist që ka bërë ndaj mbrojtësit të Napolit, Juan Jesus.
Trajneri i Italisë, Luciano Spalletti ka folur për këtë duke thënë se nga biseda që ka pasur me Acerbin nuk kishte të bënte me racizëm, por ata e larguan për t’i sqaruar gjërat.:
“Nga ajo që më tha Acerbi, nuk kishte asnjë incident racizmi, por ne kemi përgjegjësi dhe duhet t’i sqarojmë gjërat”.
“Është sigurisht një zhgënjim i madh kur merr vendime të tilla për këto episode, por duhet të jemi të kujdesshëm. U përpoqa të flisja me Juan Jesus, por telefoni i tij ishte i fikur”, tha Spalletti.
Pas largimit të Aerbit nga lista, në vend të qendërmbrojtësit të Interit është ftuar ylli i Romës, Gianluca Mancini.
