Ministri turk i Energjisë dhe Burimeve Natyrore, Alparslan Bayraktar, është zotuar të thellojë bashkëpunimin me Venezuelën në fushën e energjisë dhe minierave, pas një takimi me presidentin e vendit të pasur me naftë, Nicolas Maduro, transmeton Anadolu.
“Qëllimi ynë do të jetë zgjerimi i mëtejshëm i lidhjeve tona, që janë ndërtuar mbi themele të forta, me bashkëpunmimet tona në fushën e energjisë dhe minierave”, shkroi Bayraktar në platformën sociale X.
Bayraktar tha se si rezultat i vizitës zyrtare në kuadër të lidershipit të presidentëve turk dhe venezuelian, lidhjet midis dy vendeve kanë lëvizur në një dimension tjetër.
Më herët, Bayraktar zhvilloi bisedime me zyrtarë të tjerë të lartë në vendin e Amerikës Jugore.
Ai nënshkroi dy memorandume të ndara për mirëkuptim në fushën e naftës, gazit natyror dhe të minierave me ministrin venezuelian të Naftës, Pedro Rafael Tellechea Ruiz dhe ministrin e Zhvillimit të Minierave Ekologjike, Serantes Pinto.
“Shpresoj se nënshkrimet që kemi nënshkruar do të prodhojë rezultate që do të thellojnë më tej marrëdhëniet midis dy vendeve”, shkroi Bayraktar më herët në një postim në X.
