UEFA ka marrë vendimin për lojtarët e Real Madridit, të cilët kishin përfunduar në hetime nga shtëpia e futbollit evropian, për gjestet që ata kishin bërë në ndeshjen ndaj Atletico Madridit.
Antonio Rudiger, Kylian Mbappe, Dani Ceballos dhe Vinicius Junior, që të gjithë kishin përfunduar në procedurë disiplinore.
Ishte klubi i Atletico Madridit që kishte dërguar një video në UEFA, duke pretenduar se gjestet e lojtarëve të Real Madridit kanë shkaktuar tensione në mesin e tifozëve.
Që të gjithë këta lojtarë ishin në rrezik për të mos u paraqitur në çerekfinale ndaj Arsenalit dhe tashmë UEFA ka ardhur me një vendim.
Ata kanë vendosur që t’i dënojnë vetëm me para duke bërë që të gjithë te jenë të gatshëm për duelin ndaj ‘Topçinjve’.
Me gjobë të majme është dënuar gjithashtu edhe Kylian Mbappe, i cili do të detyrohet të paguajë 30 mijë euro.
Lajm i mirë për Real Madridin dhe tifozët e tyre është se Dani Ceballos është rikthyer në stërvitje me pjesën tjetër të bashkëlojtarëve pas një kohe të gjatë jashtë fushave.
