Shkup, 5 mars – Hoxhallarët që bartin procesin e peticionit “Iniciativë e hoxhallarëve të Myftinisë së Tetovës”, e dorëzuan një kopje edhe në BFI, respektivisht te kryetari i saj, Shaqir Fetahu me t#cilin patën një takim për t’ia bë me dije parregullsitë e bëra në shkarkimin e profesorit Qani Nesimi nga detyra e Myftiut në Myftininë e Tetovës. Mirëpo shpresat e tyre se do të gjejnë në mirëkuptim kanë hasur në vesh të shurdhër, sepse Fetahu nuk ka lejuar as mediumet të marrin pjesë në takim.
Pas takimit, delegacioni është shprehur i zhgënjyer duke theksuar se kryetari BFI-së po injoron vullnetin e mbi 200 mijë besimtarëve të Tetovës dhe rrethinës. /Zhurnal
