Njerëzit që kërkojnë aventura mund të bëjnë gjithçka për atë adrenalinë.
Ndërsa disa eksperimentojnë me nivelin e tyre të rehatisë, duke i shtyrë ata kufij, të tjerë flirtojnë me rrezikun dhe testojnë trupin e tyre në ekstrem.
Kohët e fundit, një video tronditëse ka pushtuar internetin, duke treguar një burrë që qëndron në antenën e hollë të ndërtesës ikonike Empire State Building në New York, 443 metra mbi tokë.
Më pas ai ngre kamerën mbi kokë, duke kapur një pamje mahnitëse të zonës përreth, përcjell Telegrafi.
Videoja e shpërndarë në Instagram nga një llogari e quajtur livejn ka grumbulluar miliona shikime dhe pëlqime.
Klipi i ka lënë shikuesit të mahnitur dhe në të njëjtën kohë të habitur se si personi ka arritur ta realizojë një marifet kaq të guximshëm.
Ndryshe, Empire State Building është një rrokaqiell ikonë 102 katëshe e vendosur në Midtown Manhattan, New York City.
E përfunduar në vitin 1931, ajo mbajti titullin e ndërtesës më të lartë në botë për më shumë se 40 vjet, duke qëndruar në një lartësi mbresëlënëse 443 metra.
Ndërtesa ka dy kuverta vëzhgimi, në katin e 86-të dhe të 102-të, duke ofruar pamje mahnitëse të qytetit.
Korniza e saj prej çeliku dhe bërthama e betonit mbështesin peshën masive, duke e bërë atë një mrekulli inxhinierike të kohës së saj.
Empire State Building tërheq mbi 4 milionë vizitorë çdo vit, duke e bërë atë një nga atraksionet më të njohura në qytetin New York-ut.
