Shkup, 17 dhjetor – Linja ajrore “Vizer” njoftoi sot se fillon me shitjen e biletave për tri linjat e reja ajrore nga Aeroporti Ndërkombëtar i Shkupit për në Barcelonë, Lion dhe Shtutgart.
“Si TAV Aeroporte, ne jemi të kënaqur të njoftojmë kthimin e Barcelonës si destinacion pushimi nga Aeroporti i Shkupit nga 3 maj 2025, i operuar nga Vizer, veçanërisht pasi ishte linja më e preferuar nga pasagjerët tanë. Përveç Barcelonës, vitin e ardhshëm Vizer do të vendos edhe Lionin dhe Shtutgartin si destinacione të reja nga Aeroporti i Shkupit, që do të jetë një avantazh për të gjithë pasi me këtë zgjeron rrjetin e destinacioneve nga Aeroporti i Shkupit, hartën e linjave ajrore të Vizer si dhe opsionet për udhëtime për çdo aventurier. Përmes këtij zgjerimi të rrjetit të linjave ajrore, ne presim dhe synojmë të ofrojmë më shumë rehati dhe të përmirësojmë lidhjen për pasagjerët tanë me botën, thotë drejtori i përgjithshëm i TAV Maqedoni, Nexhat Kurt.
Rezervimet për tre destinacionet e reja të disponueshme nga Aeroporti Ndërkombëtar i Shkupit janë të hapura nga sot. Fluturimet fillojnë nga 3 maji i vitit të ardhshëm për në Barcelonë dhe do të ketë fluturime çdo të martë dhe të shtunë, më 1 maj fillojnë fluturimet për në Lion çdo të martë, të enjte dhe të shtunë, ndërsa fluturimet për në Shtutgart do të fillojnë më 29 shtator tre herë në javë, të hënën, të mërkurën dhe të premten.
Fluturimet drejt destinacioneve të reja nga Aeroporti Ndërkombëtar i Shkupit mund të rezervohen në faqen zyrtare të Vizer dhe përmes aplikacionit celular të kompanisë ajrore.
Çmimet bazë fillojnë nga vetëm 24,99 euro për Shtutgartin dhe 29,99 euro për Lion. Fluturimet nga Shkupi në Barcelonë janë të disponueshme me çmime nga 31,99 euro.
