Shkup, 1 prill – Zgjedhjet lokale që do të mbahen këtë vit nuk do të jenë vetëm lokale sepse do ta detirminojnë edhe fatin e situatës në pushtetin qendror. Edhe pse duket që është shterrur diskutimi për çështjen e legjitimitet por mesa ngjanë sërish janë krijuar kushtet për ta rikthyer në fokus këtë temë. Agjencia e Lajmeve Zhurnal duke marrë për bazë të analizës rezultatet e zgjedhjeve të fundit lokale në Gostivar sjellë konkluzionin që VMRO-DPMNE partia më e madhe në vend dhe aktualisht në pushtet luan rol edhe në përzgjedhjen e kandidatëve shqiptar në komunat shqiptare. Rast analize sot është marrë Komuna e Gostivarit, shkruan Zhurnal.
Cili ishte rezultati në raundin e parë në zgjedhjet lokale të vitit 2021 në Gostivar?
Zgjedhjet lokale të fundit janë mbajtur më 31 tetor të vitit 2021 me çka kanë garuar partitë politike në komuna për të parin e institucionit dhe me lista për këshilltarë. Më poshtë mund të shihni rezultatin e zgjedhjeve nga raundi i dytë.
Gara kryesore është zhvilluar mes BDI-së dhe koalicionit ASH-AAA, ku kandidat nga BDI ka qenë Nevzat Bejta dhe nga koalicioni Arben Taravari. Votat që ka fituar Bejta kanë qenë 12.982 apo në përqindje: 40,11%. Ndërkaq, nga ana tjetër, Arben Taravari, 18.685, apo në përqindje 57,73%. Taravari fitoi me diferencë 5.703 vota kundrejt kundërkandidatit të tij. Por, nga i erdhën këto vota për një kohë të shkurt? Këtë përgjigje e gjejmë nëse analizojmë votat e partive tjera për këshilltarë. Më poshtë është paraqitur tabela e rezultateve nga zgjedhjet lokale në Gostivar të vitit 2021 në listat për këshilltarë.
Ajo çfarë vërehet nga këto rezultate kuptohet që VMRO ka qenë partia e tretë me numrin më të madh të votave pas koalicionit ASH-AAA dhe BDI-së. Ndërkaq, diferenca mes dy partive të para ka qenë mjaft e ngusht. Që zgjidhja apo çelësi për fitoren e njërit ka qenë përkrahja e VMRO-së në rrethin e dytë.
Dhe, kështu ndodhi fitorja e koalicionit u betonua pikërisht në raundin e dytë të zgjedhjeve lokale atë kohë me fitoren e Taravarit në Gostivar me diferencë mbi 5 mijë votash. Derisa VMRO kishte 4.300 vota në Këshillin e Gostivarit.
Kujtojmë që, nuk është matematikë apo llogaritje e komplikuar për të gjetur faktorin kryesor që determinon edhe fitoren e radhës në Komunën e Gostivarit e që është partia në pushtet VMRO-DPMNE. Mbeten të shihen edhe zhvillimet tjera që do të ndodhin muajve në vijim por ajo që është çështje numrash është analizuar lartë se cila parti politike mund të sigurojë fitoren e një kandidati shqiptar në Gostivar. /Zhurnal.mk
