Prishtinë, 01 tetor, argument.mk/ – Presidentja e Komisionit Evropian, Ursula von der Leyen, është shprehur për nismën e PDK-së për ndryshimin e kornizës ligjore për Dhomat e Specializuara, duke thënë se i takon Kosovës të vendosë për ndryshimet e nevojshme, por duke theksuar se duhet të garantohet pavarësia e gjyqësorit, raporton Ekonomia Online.
E pyetur për këtë nismë, von der Leyen tha se çdo ndryshim duhet të bëhet brenda kornizës së pavarësisë së gjyqësorit.
“Sa i përket kornizës ligjore, i takon Kosovës të vendosë. E rëndësishme është që të garantohet pavarësia e gjyqësorit. Pra, brenda kornizës së pavarësisë së gjyqësorit, i takon Kosovës të vendosë se çfarë është e nevojshme të bëjë ose të mos bëjë. Por, ajo që ka rëndësi është ruajtja e pavarësisë së gjyqësorit”, tha ajo.
