Po pyesni veten nëse ia vlen të shkoni për një vrapim të vogël?
Merrni atletet dhe mos e mendoni gjatë – një studim i ri tregon se çdo sasi vrapimi ul rrezikun e vdekjes së parakohshme.
Në një analizë të 14 studimeve të mëparshme – nga SHBA, Kina dhe Danimarka – grupi i studiuesve nga institutet në Australi, Tajlandë dhe Finlandë arritën në përfundimin se rritja e pjesëmarrjes në vrapim, mund të çojë në përmirësime thelbësore në shëndetin e popullatës dhe jetëgjatësinë.
Studimet që ata përdorën përfshinë 232,149 pjesëmarrës gjatë periudhave kohore duke filluar nga 5.5 në 35 vjet.
Në përgjithësi, njerëzit që vrapuan në çfarëdo distance ishin të lidhur me një rrezik prej 27% më të ulët të vdekjes nga të gjitha shkaqet sesa ata që nuk e bënë një gjë të tillë.
Vrapimi u shoqërua gjithashtu me një rrezik prej 30% dhe 23% më të ulët të vdekjes nga sëmundjet kardiovaskulare dhe kanceri.
