Shkup, 22 shkurt – Profesoresha dhe deputetja Gordana Siljanovska-Davkova konfirmoi se është kandidate për presidente e shtetit nga VMRO-DPMNE. Ajo deklaroi se nuk do të jetë monarke republikane, por do të sillet ndaj qytetarëve ndaj njerëzve, si ndaj individëve, pjesëtarë të komuniteteve të ndryshme. Nëse bëhet presidente, theksoi, kandidatët e saj do të jenë më të mirët në Gjykatën Kushtetuese dhe Këshillin Gjyqësor, ndërsa ambasadorët do të rekrutohen në bazë të kompetencës dhe profesionalizmit.
Ajo shprehu mirënjohje që në një afat rekord kolegët dhe koleget e saj kanë mbledhur 30 nënshkrimet e nevojshme, pa dijeninë e saj. Kandidatura e Siljanovska-Davkovës fillimisht duhet të gjendet në konventën e VMRO-DPMNE-së, pas së cilës duhet të dorëzohet në KSHZ.
“Pse po kandidohem? Për arsye objektive dhe subjektive. Objektivat janë rezultati nga zgjedhjet e kaluara. Është një mirënjohje e madhe kur do të merrni rreth 380 mijë vota, e jo vetëm nga anëtarët dhe simpatizantët e partisë, por edhe nga qytetarët. Kam ndërmend të mbledh edhe 10 mijë nënshkrime, sepse mendoj se duhet të jem e barabartë me të gjithë të tjerët dhe kuptohet, të thërras përsëri nga ata që nuk janë në politikë ose nuk janë të vendosur në mënyrë ideologjike dhe partiake”, shtoi Siljanovska-Davkova.
Një nga arsyet e kandidimit të saj, siç përmendi, është rezultati i zgjedhjeve të kaluara.
Ajo theksoi se do të angazhohet për krijimin e zyrave civile. Është, siç theksoi, një institut që praktikohet në SHBA dhe në vende të tjera.
“Mendoj se shumë shpesh presidentët janë larg në male, larg nga qytetarët, ndërsa e harrojnë sovranin – qytetarët dhe një ide e mrekullueshme e presidentit Ivanov për të ashtuquajturën zyra civile si të mos jetojë. Është një institut që praktikohet shumë, shumë në SHBA dhe vende të tjera. Do të thotë, unë nuk do të sillem si monarke republikane, por do të sillen ndaj qytetarëve si ndaj njerëzve, si ndaj individëve, si pjesëtarë të ndryshëm, si ndaj sovranit sepse prej tyre më buron sovraniteti”, shtoi Siljanovska-Davkova.
Sipas Siljanovska-Davkovës, është koha për një dimension të gruas në politikë, është koha për konsensus pa marrë parasysh përkatësinë partiake, etnike, fetare e të tjera. Potencoi se në statusin president/presidente nevojiten reforma të mëdha dhe të thella.
