Shkup, 23 qershor – Qeveria informoi se për një vit ka paguar mbi 9 miliardë denarë subvencione të prapambetura dhe aktuale për të gjitha kategoritë e bujqve.
“Mbi 9 miliardë denarë shkojnë drejtpërdrejt në xhepat e bujqve. Detyrimi ynë si Qeveri është që subvencionet të paguhen në kohë dhe në mënyrë joselektive. E jo si më parë, kur bujqit ishin plotësisht të harruar, të poshtëruar dhe të ndarë. Me këtë ne i ndihmojmë drejtpërdrejt bujqit dhe e nxisim rritjen e prodhimit bujqësor, me qëllim që ata të përgatiten për vitin e ardhshëm – ndryshe nga më parë kur, për shkak të mosshlyerjes së subvencioneve dhe vonesave, kishim rënie të prodhimit bujqësor”, thuhet në kumtesë.
Sipas Qeverisë, Maqedonia po transformohet, ndërsa bujqësia është një nga shtyllat më të rëndësishme për progres ekonomik dhe zhvillimt të shtetit.
Një vit qeveri do të thotë punë e përgjegjshme dhe e përkushtuar në interes të bujqve. E vlerësojmë punën e bujqve maqedonas. Bujqësia është një nga shtyllat më të rëndësishme për përparimin ekonomik dhe zhvillimin e Maqedonisë. I kemi dhënë fjalën bujqve dhe po i ndërtojmë themelet e ndryshimeve. Po vjen koha e Maqedonisë!”, bëhet e ditur në kumtesën e Qeverisë.
