Zbardhet vendimi i Këshilli i Rregullimit të Territorit (KKT), nën drejtimin e kryeministrit Edi Rama, mbi lejen për kishën ortodokse për të bërë pallat 10-katësh tek Rruga e Kavajës në kryeqytet.
Dokumentet e lejes tregojnë se godina e re do të jetë në shërbim të aktivitetit meshar, kishtar dhe didaktik.
Në 18 Prill 2025, KKT miratoi vendimin nr.11, me objekt “Miratimin e lejes së ndërtimit për objektin: “Ndërtesë polifunksionale në shërbim të Kishës Autoqefale Orthodhokse e Shqipërisë 2, 5 dhe 10 kate mbi tokë me 1 kat nëntokë”, me vendndodhje në Bashkinë Tiranë”.
Ndërtesa e re polifunksionale e Kishës Ortodokse të Shqipërisë pritet të ndërtohet në rrugën e Kavajës, në Tiranë, aty ku sot gjendet Kisha e Ungjillizimit, vendi kryesor i kultit për shumë vite në kryeqytet, që pas rënies së komunizimit.
Trualli i ndërtesës është pjesë e ansamblit Orthodhoks pranë Rr. Kavajës me nje siperfaqe prej 1201 m2. Ndërtesa e re do te fqinjësohet në veri me ndërtesën e Kishës Orthodhokse “Ungjillizimi”, në perëndim me një ndërtesë banimi 10 kate, ndërsa në lindje dhe jug me ndërtesat e ulëta të banimit të zonës përkatëse, subjekte zhvillimi në një të ardhme. Aksesi ekzistues bëhet nëpërmjet Rr. Kavajës.
“Trualli ndodhet në afersi të Rrugës së Kavajës dhe më tej, Kishës Orthodhokse Ungjillizimi, shkollës të ciklit të ulët të Kishës dhe ambienteve të saj sportive, gjithashtu dhe objekteve të banimit në afërsi. Për momentin sheshi përballë Kishës shërben si parkim për makina. Gjithashtu vihet re prania e gjelbërimit, siç janë pemët e qiparisave që janë nje pike e rëendësishme e projektit tonë. Duke patur parasysh praninë e shkollës së ciklit të ulët, ambientit sportiv dhe konceptit të ndërteses së re, trualli në fjalë ka të gjitha potencialet per t’u zhvilluar si një ansambël, një vlerë qe i shtohet Kishës, por edhe zonës”, citojmë projektin e Kishës.
Objekti zhvillohet në në një pronë prej 1201 m², dhe zë një siperfaqe prej 411 m² në shesh. Objekti përbëhet nga 10 kate mbi tokë të shkallëzuara në 2, 5 dhe 10 me funksion polifunksional akademiko-administrativ kurse kati nëntoke ka funksion laboratoresh dhe biblioteke.
Ndërtesa ka një sipërfaqje ndërtimore mbi tokë 4075.2 m² dhe nëntoke 1040 m². Ndërtesa e re polifunksionale kërkon të plotësojë nevojat administrative dhe edukativo-arsimore brenda ansamblit orthodhoks në rrugën e Kavajës.
gijotina.com/
