Shkup, 22 korrik – Kryetari i Qeverisë Hristijan Mickoski sot do të ketë takim me menaxherin e kompanisë turke “Kazanxhi Holding AS”, Shaban Xhemail.
Siç informojnë nga pres shërbimi qeveritar, pas takimit, të dy do të nënshkruajnë Memorandum për mirëkuptim në Sallën solemne në Qeveri.
Pas përfundimit të ngjarjes në Sallën solemne, kryetari i Qeverisë, Mickoski dhe menaxheri i “Kazanxhi Holding AS”, do të mbajnë konferencë për shtyp në Qendrën mediatike në Qeveri.
Me nënshkrimin e Memorandumit për mirëkuptim, duhet të hapet rruga për realizimin e invesitmit “Kazanxhi grup”, me vlerë një miliard euro për ndërtimin e rrjetit sekondar të gazsjellësit, rrjetit të ujit të nxehtë dhe centraleve kongjerative me 500 MW kapacitet të instaluar, që prodhojnë 4,1 TWh energji elektrike dhe 720 GWh energji ngrohëse në nivel vjetor.
“Kasanxhi grup” është gjigant botëror në energjetikë me mbi 25 vjet përvojë, operon me kapacitet të instaluar me mbi 3.500 MW në tetë shtete dhe është aktive në 22 vende në katër kontinente.
